10 сарын өмнө ээж нь Монгол Улсад зүүн талын тархины урд артерийн аневризмын улмаас тархины ялтсан хагалгаа хийлгэсэн бөгөөд хагалгааны дараагаас хойш баруун гар, хөл нь сульдаж, хариу үйлдэл удаан, хэл яриа бүдэг бадаг, нүүрний хувиралгүй болсон байв. Хагалгааны дараагаас унтуулагч хүзүүний артерийн нарийсал ч мөн үзлэгээр илэрсэн байна. Ээжийнхээ төлөө Монгол Улсаас олон мянган километр зам туулан Хятадад эмчлүүлэхээр ирсэн бас нэгэн гэр бүлийн түүх...
Шанхайн Жиао Тун их сургуулийн Анагаах ухааны сургуулийн харьяа Рэнжи эмнэлгийн Мэдрэлийн мэс заслын дэд эрхлэгч, тэргүүлэх зэрэгтэй эмч Ван Жэчин олон улсын цахим сувгаар холбогдон өвчтөнд алсын зайнаас оношилгоо хийсний дараа эмнэлгийг зорин иржээ. Харин Рэнжи эмнэлэг дэх нарийн үнэлгээний дараа мэргэжилтнүүд бага зэргийн хөндийн мэс заслын аргаар тархины цус багадалтын шинж тэмдгийг сайжруулж чаджээ. Хагалгааны дараагийн өдөр өвчтөн орноосоо босч, чөлөөтэй хөдлөх боломжтой болсон бөгөөд баруун талын хөдөлгөөний чадвар мэдэгдэхүйц сайжирч, хэл яриа нь тод болсон байна.
Өвчтөний ар гэрийнхэн "Хятадын эмч нар үнэхээр гайхамшигтай!" хэмээн Ван Жэчин эмч болон багийнханд чин сэтгэлийн талархал илэрхийлж, "Та бүхний ачаар ээж минь дахин амьдралд итгэх итгэлээ олж авч чадлаа!" хэмээн баярласан сэтгэлээ илэрхийлжээ.
Олон салбарын мэргэжилтнүүдийн 15 минутын үнэлгээ, зөвлөгөөгөөр асуудлыг мэс заслаар шийдвэрлэв
10 сарын өмнө өвчтөн Монгол Улсад гэнэт хүчтэй толгой өвдөж, орон нутгийн эмнэлэгт үзүүлэхэд зүүн талын тархины урд артерийн аневризм гэж оношлогджээ. Монголдоо тархины ялтсан хагалгаа хийлгэж амь нас нь аврагдсан ч хүнд хэлбэрийн олон төрлийн хүндрэлүүд үлдсэн байна...
Ван Жэчин эмч өвчтөнд нарийвчилсан мэдрэлийн үзлэг хийж, дүрс оношлогооны зургийг нягт шалгаснаар нуугдмал гол шалтгааныг хурдан тогтоож чадсан юм. Тодруулбал, зүүн талын тархины урд артерийн A2-3 хэсэгт бөглөрөл үүссэн байсан бөгөөд мөн талын тархины дунд артерийн хальсан доорх салаа судаснуудаар нөхөн тэтгэх урсгал бий болсон байжээ...
Монгол Улсаас ирсэн өвчтөнийг олон улсын оношилгоо, эмчилгээний төвийн хэвтэн эмчлүүлэх тасагт яаралтай хүлээн авсан байна...
